Pergamoko aldarea greziar hiri horretako akropolian eraikitako monumentu erlijioso helenistikoa da, Eumenes II.aren agintaldiaren hasierakoa dena. Bere friso monumentaletan Gigantomakia (kanpoaldean) eta Teleforen istorioa (barnealdean) irudikatu zituzten. Lana Antzinako Greziako eskulturaren maisulanetako bat da. Gaur egun, Berlingo Pergamo Museoan dago. Ehun metrotik gorako luzera eta 2,30 metroko altuera duen pieza aldarearen oinaldearen gainean zegoen jatorrian.